09.05.18 Jemma yn Dathlu 10 Mlynedd yn Delwedd!
Rydym yn dathlu yn y swyddfa heddiw gan fod Jemma wedi bod yn gweithio hefo ni ers 10 mlynedd!
Diolch i ti am dy holl waith caled dros y blynyddoedd!
Rydym yn dathlu yn y swyddfa heddiw gan fod Jemma wedi bod yn gweithio hefo ni ers 10 mlynedd!
Diolch i ti am dy holl waith caled dros y blynyddoedd!
Dyma Ein Oriau Agor Dros Y Pasg:
Dydd Gwener y Groglith - Ar gau
Dydd Llun y Pasg - Ar gau
Fel mae nifer ohonoch yn ymwybodol, mae Delwedd yn falch iawn o allu cefnogi achosion da lleol drwy ddylunio, adeiladu a chynnal un wefan yn rhad ac am ddim ar gyfer achos da lleol bob blwyddyn.
Rydym yn lansio ein Cystadleuaeth Gwefan Am Ddim ychydig yn gynharach eleni gan ein bod wedi cael ychydig o ymholiadau am y fenter hon yn barod, ac mae ein hamserlen waith yn llenwi'n gyflym, rydym yn falch o ddweud!
Ar Ddydd Gŵyl Dewi fel bob dydd arall, rydym yn hapus i ateb eich cwestiynau ynglyn â dylunio gwefannau yng Nghymraeg neu Saesneg, beth bynnag sydd orau gennych.
Cofiwch am ein hyrwyddiad arbennig: Adeiladu a Gosod i Fyny Fersiwn Gymraeg Eich Gwefan am Ddim Cost Ychwanegol!
Am fwy o wybodaeth cliciwch yma
Hyd yn hyn yn 2018 rydym wedi rhoi 11 gwefan newydd sbon yn fyw, dechrau addawol iawn i'r flwyddyn newydd! Un o’r rhain oedd ein "Gwefan Yn Rhad Ac Am Ddim Ar Gyfer Achos Da Lleol" 2017, sef y Grwp Gogledd Orllewin Cymru o'r Gymdeithas Clefyd Motor Niwron. Mae'r wefan wedi ei greu i gyd-fynd a "Branding" yr elusen, ac yn gwbl ddwyieithog.
Nod y wefan yw peidio ag ailadrodd y wybodaeth ar y brif wefan MNDA, ond yn hytrach y bydd yn ddefnyddiol fel adnodd ychwanegol iddynt. Bydd yn canolbwyntio ar adnoddau a chynigion codi arian Gogledd Orllewin Cymru ac yn gobeithio bod yn ffynhonnell gymorth yn lleol.
Gweler y wefan yma: www.mndnorthwestwales.org
Lansiodd y grwp y wefan yn eu cyfarfod misol, ac maent yn falch iawn ohono. Dywedodd Kevin Thomas, Ymgynghorydd Datblygiad Gofal Rhanbarthol, "Mae'n edrych yn ffantastig. Da iawn a diolch yn fawr i'r tîm yn Delwedd. Mae'r safle yn gyfeillgar ac yn groesawgar i ddefnyddwyr".
Rydym ni fel cwmni yn falch iawn o allu noddi'r wefan yma ac yn gobeithio bydd yn adnodd defnyddiol iawn i'r elusen er mwyn codi arian ac ymwybyddiaeth. Hefyd gobeithiwn y bydd yn gymorth i'r unigolion â Chlefyd Niwron Modur a'u teuluoedd.
Fe aeth Jen, Aled & Ceri o'r cwmni i lawr i Gaerdydd ar gyfer gwobrau FSB Cymru. Roeddem wedi ein henwebu yn y categori "Welsh in Business". Er nad oeddem yn llwyddiannus ar y diwrnod, rydym yn falch iawn o gyrraedd y rhestr fer o 3 trwy’r wlad.
Mae gennym ni newyddion cyffrous i gychwyn y flwyddyn newydd yma yn Delwedd.
Rydym yn falch iawn o gyrraedd y rhestr fer yng ngwobrau FSB Awards, yn y categori “Welsh in Business”. Edrychwn ymlaen at fynd i’r seremoni gwobrwyo mis nesaf. Dechrau gwych i 2018!
Rydym wedi cau rwan am y Nadolig, gobeithiwn y cewch chi wyliau hapus a byddwn yn ôl ar yr 2il o Ionawr 2018!
Codi arian ar gyfer Diwrnod Siwmper Nadolig yn Delwedd heddiw!
Nadolig Llawen a Blwyddyn Newydd Dda i'n Holl Gwsmeriaid a Ffrindiau!
Er gwybodaeth dyma oriau agor Delwedd ar gyfer y Nadolig a'r Flwyddyn Newydd:
Byddwn yn cau am 12:00 Dydd Gwener, 22/12/17. Swyddfa ar gau tan Ddydd Mawrth 02/01/2018.
Diolch yn fawr iawn am eich cwsmeriaeth a chefnogaeth yn ystod y flwyddyn oddi wrth bawb yn Delwedd.
Rydym yn hapus i groesawu Sam Owens yn ôl i'r swyddfa heddiw.
Yn ddiweddar bu Sam yn gweithio gyda ni ar gontract mamolaeth ac oherwydd llwyth gwaith cynyddol, rydym yn falch o gael ei wahodd yn ôl.
Bydd yn ychwanegiad gwych i'r tîm, yn enwedig oherwydd ei brofiad blaenorol gyda ni a'n cwsmeriaid.
Yn ddiweddar, gwahoddwyd Aled a Ceri o Delwedd i siarad yng nghynhadledd yr Ymddiriedolaeth Adeiladu Cymunedau yng Nghaerdydd, "Adeiladu Economi Lleol Newydd Yng Nghymru". Roeddem yno i drafod rôl busnesau bach a chanolig yn yr economi lleol.
Mynychodd pedwar o'n haelodau staff hyfforddiant Google Adwords wythnos diwethaf.
Diolch i Busnes Cymru a Pro PPI am drefnu'r digwyddiadau.
Llongyfarchiadau i aelod o'n tîm, Ifan Emyr, ar gael ei waith fel rhan o'r arddangosfa Agored yn y safle celf yn Galeri Caernarfon, i'w arddangos hyd at 27/10/17.
Mae gwaith Ifan wedi' selio ar fapiau modern a hanesyddol. I weld fwy o'i waith, gweler ei dudalen Facebook
Ar ddechrau tymor ysgol newydd, beth am ddefnyddio'r amser hwn i feddwl am wefan newydd i’ch ysgol?
Rydym wedi creu bron i 70 o wefannau llwyddiannus i ysgolion ar draws Cymru, gydag 13 arall ar y gweill ar hyn o bryd. Gyda'r nifer yma o wefannau ysgolion yn ein portffolio yn ogystal â'n blynyddoedd o gydweithio gydag ysgolion, golygai ein bod yn deall eich anghenion.
Mae rhai esiamplau o'n gwefannau ysgolion ni i'w gweld ar ein portffolio
Os oes gennych ddiddordeb mewn cael gwefan newydd i'ch ysgol, cysylltwch â ni er mwyn cael gwybod beth allwn wneud i chi.
Croeso cynnes yn ôl i Jemma Evans heddiw, ar ôl bod i ffwrdd ar gyfnod mamolaeth.
Mae'n grêt dy gael di'n ôl!
Mae gennym benwythnos prysur o'n blaen! Edrychwn ymlaen at dynnu lluniau yn Gwyl Bethel fory. Dymunwn bob hwyl i bawb sy'n rhan o drefnu'r digwyddiad gwych yma ac i bawb sy'n cymryd rhan!
Ysgolion - Gobeithiwn eich bod yn mwynhau’r Gwyliau Haf! Beth am ddefnyddio'r amser hwn i feddwl am wefan i’ch ysgol? Mae rhai esiamplau o'n gwefannau ysgolion ni ar ein portffolio ar-lein.
Rydym wedi creu bron i 70 o wefannau llwyddiannus i ysgolion ar draws Cymru, gydag 13 arall ar y gweill ar hyn o bryd. Gyda'r nifer yma o wefannau ysgolion yn ein portffolio yn ogystal â'n blynyddoedd o gydweithio gydag ysgolion, golygai ein bod yn deall eich anghenion.
Os oes gennych ddiddordeb mewn cael gwefan newydd i'ch ysgol, cysylltwch â ni er mwyn cael gwybod beth allwn wneud i chi.
Efallai eich bod wedi gweld y newyddion fod Llywodraeth Cymru wedi ymrwymo £400,000 i helpu mentrau bach a chanolig i fod yn fwy dwyieithog.
Rydym ni yn Delwedd yn croesawu’r newyddion yma, ac yn teimlo y bydd yn gefnogaeth gwerthfawr iawn i fusnesau bach a chanolig sydd yn defnyddio Cymraeg yn barod yn eu busnesau, a hefyd i’r rhai ohonoch y bysai’n hoffi cychwyn gwneud.
Rydym yn falch o gyhoeddi mai enillydd y Gystadleuaeth Gwefan am Ddim eleni yw’r Gangen Gogledd Orllewin Cymru o’r Gymdeithas Clefyd Motor Niwron (Motor Neuron Disease Association). Fel y mae y rhan fwyaf ohonoch yn gwybod, fe gollwyd Meic Roberts, sefydlydd Delwedd, i Glefyd Motor Niwron Motor ar ddiwedd Mis Mai, felly mae’r elusen yma yn un bwysig iawn i ni.
Fe aeth Aled Roberts o Delwedd i grŵp cymorth y gangen ddoe yn Tŷ Golchi. Yn y llun gydag ef mae’r Ymgynghorydd Datblygu Gofal Rhanbarthol Kevin Thomas, y Cydlynydd Datblygu Gwirfoddoli Jo Cunnah, a Roger Sowersby, cyswllt y Grŵp Gogledd Orllewin Cymru.
Roedd yn wych i gwrdd â nhw ac edrychwn ymlaen at weithio gyda’r gymdeithas. Gobeithiwn y bydd y wefan yn ased iddyn nhw.
Roeddem yn falch o gael sylw yn rhifyn diweddaraf cylchgrawn First Voice gan yr Federation of Small Businesses. Mae'r erthygl o'r enw "Rewarding local charities" yn trafod ein "Gwefan Yn Rhad Ac Am Ddim Ar Gyfer Achos Da Lleol" yr ydym yn gwneud pob blwyddyn. Gweler yr erthygl yma.
Mae ein menter "Gwefan Yn Rhad Ac Am Ddim Ar Gyfer Achos Da Lleol" hefyd yn cael sylw yn yr erthygl, i ddarganfod mwy am hyn cliciwch yma.
Bydd ennillydd y cystadleuaeth yn cael ei gyoheddi yn fuan!
Mae wythnos brysur o dynnu lluniau yn dod i ben yfory gan y byddwn yn Sioe Caernarfon yn ogystal â'r diwrnod carnifal yng Ngŵyl Y Felinheli. Pob lwc i'r ddau ddigwyddiad!
Heddiw hefyd yw'r dyddiad cau ar gyfer ein cystadleuaeth Gwefan am ddim, cliciwch yma am fwy o wybodaeth.
Rydym yn falch o gael ein henwi yn Fusnes y Mis gan y Federation of Small Businesses Cymru. Cawsom yr anrhydedd hwn yn rhannol oherwydd y Wefan Am Ddim Ar Gyfer Achos Da Lleol yr ydym yn ei wneud bob blwyddyn. Sefydlwyd y fenter hon gan ein sylfaenwr Michael Roberts, ac rydym yn falch o allu parhau â'r gwaith da.
Yn ddiweddar, fe wnaethom gyfarfod ag Amy Bainton a Mike Learmond o'r Federation of Small Businesses Cymru a ddewiswyd ni fel Busnes y Mis. Cliciwch yma i weld eu blog amdanom ni.
Fel mae nifer ohonoch yn ymwybodol, mae Delwedd yn falch iawn o allu cefnogi achosion da lleol drwy ddylunio, adeiladu a chynnal un wefan yn rhad ac am ddim ar gyfer achos da lleol bob blwyddyn. Blwyddyn diwethaf fe ddewisom Gafael Llaw, ac yn y blynyddoedd diwethaf rydym wedi creu, lletya a chynnal nifer o wefannau eraill am ddim i achosion da lleol. Mae ein cefnogaeth yn barhaus ar gyfer y gwefannau hyn ac rydym yn dymuno pob llwyddiant iddynt yn y gwaith da y maent yn ei wneud.
Eleni rydym yn rhedeg cystadleuaeth i ddewis yr achos da bydd yn derbyn y wefan newydd yma gennym ni.
Roedd Ebrill yn fis prysur iawn i ni yma yn Delwedd gydag 7 wefan newydd yn mynd yn fyw. Roedd y rhain yn cynnwys gwefan haws i'w ddefnyddio gydag edrychiad newydd i Mantell Gwynedd, gwefan newydd sbon ar gyfer Maes Carafanau Tan yr Ogof sy'n adlewyrchu'r teimlad o lonydd ac ymlacio sydd ganddynt yno, a gwefan System Rheoli Cynnwys hwyl a deniadol ar gyfer Atyniadau Eryri sy'n cyd-fynd â'u brandio.
I weld mwy o enghreifftiau o'n gwaith, gwelwch ein portffolio yma
Dyma Ein Oriau Agor Dros Y Pasg:
Mae gennym nifer o opsiynau cynnal a chadw gwahanol ar gael. Os hoffech drafod unrhyw un o’r opsiynau hyn, mae croeso i chi gysylltu â ni.
Am fwy o wybodaeth am beth y gallwn gynnig i chi, edrychwch ar ein tudalen Ein Gwaith.
Bob blwyddyn rydym yn dylunio, adeiladu a chynnal o leiaf un wefan yn rhad ac am ddim ar gyfer achos da lleol; eleni rydym wedi dewis Gafael Llaw.
Mae Gafael Llaw yn elusen leol o Gaernarfon wedi ei sefydlu i gefnogi plant a phobl ifanc Gwynedd a Môn gyda chancr.
Rydym wedi creu gwefan ymatebol, ddwyieithog gyda system rheoli cynnwys sydd yn adlewyrchu eu brand, ac rydym yn gobeithio bydd yn gymorth iddynt rannu gwybodaeth, denu gwirfoddolwyr a chodi arian i’w hachos teilwng iawn.
Roeddem yn yr adran “Meindia dy fusnes” o Papur Dre, fel rhan o sbotolau ar fusnesau lleol.
Roeddem hefyd yn ymddangos yn y Cambrian News gan ein bod wedi creu gwefan newydd rheoli cynnwys yn rhad ac am ddim i Gafael Llaw, elusen leol sydd yn cefnogi plant a phobl ifanc Gwynedd a Môn sy’n dioddef o gancr.
Diolch i chi am eich cefnogaeth!
Diolch o galon i bawb am gyfrannu mor hael i'n casgliad Plant Mewn Angen, a diolch i bawb yn y Galeri am ymuno â ni ar gyfer Plant Mewn Angen!
Llongyfarchiadau mawr i aelod o'r tim Jemma Evans a'i phartner Mike Jones ar enedigaeth eu mab, Jac Osian Jones. Edrychwn ymlaen at gyfarfod Jac!
Mae hi wedi bod yn brysur iawn yn ystod yr wythnosau diwethaf yma yn Delwedd! Rydym wedi croesawu aelod newydd o'r tîm ac ar Hydref 1af daeth Delwedd yn gwmni Cyfyngedig.
Bydd Michael Roberts, a sefydlodd Delwedd yn 1998, yn ymddeol ddiwedd yr wythnos, ynghyd a'i wraig Jennifer. Bydd y ddau yn parhau yn ymglymedig yn rhedeg y busnes ac maent yn aros ymlaen fel cyfarwyddwyr. Hoffai Michael a Jennifer ddiolch i holl gwsmeriaid a ffrindiau Delwedd am eu cwsmeriaeth a'u cefnogaeth barhaus ar hyd y blynyddoedd, ac maent yn falch o ddweud fod gan dîm sefydlog Delwedd brofiad helaeth sy'n sicrhau y bydd y gwasanaeth uchel mae'r cwmni yn anelu at yn parhau yn y dyfodol.
Mae gweddill y tîm yma yn Delwedd yn dymuno y gorau iddynt yn eu ymddeoliad, ac yn edrych ymlaen i gyfarfodydd rheolaidd gyda hwy.
22.05.18 Gŵyl y Banc 28ain o Fai
Bydd Delwedd ar gau ar Ddydd Llun Mai 28ain oherwydd Gŵyl y Banc.
Gobeithio y bydd yn benwythnos prysur i'n cwsmeriaid yn y diwydiant twristiaeth!